3апрашае “Мая Кругляншчына”
Зацверджана Палажэнне аб правядзенні XIX раённага фестывалю народнай творчасці “Мая Кругляншчына”. Як і раней, яго арганізатарамі выступаюць Круглянскі раённы выканаўчы камітэт, аддзел ідэалагічнай работы, культуры і па справах моладзі райвыканкама.
Агляд-конкурс пройдзе ў двух фарматах: вочным і завочным (онлайн). У першым з іх кожны ўдзельнік (калектыў) рыхтуе выступленне да 5-ці хвілін, у другім – прадстаўляе відэаролік. Да ўдзелу запрашаюцца індывідуальныя выканаўцы і аматарскія калектывы ўстаноў, прадпрыемстваў і арганізацый раёна.
Прадэманстраваць свае таленты можна ў чатырох намінацыях: харавыя і вакальныя калектывы, квартэты, трыа, дуэты, асобныя выканаўцы (салісты); харэаграфічнае мастацтва; інструментальныя, вакальна-інструментальныя ансамблі, асобныя выканаўцы інструментальнага жанру; тэатральная творчасць (мастацкае слова і г. д.).
Да ўдзелу ў фестывалі дапускаюцца творчыя калектывы і салісты, своечасова (да 16 снежня ўключна) і належным чынам падаўшыя заяўку і відэаролік на ўдзел. Іх трэба дасылаць па электроннай пошце krugloe_cks@tut.by , тэл./факс – 70-998.
Гала-канцэрт запланаваны на 24 снежня бягучага года.
Ул. інф.