У Беларусі пачалі прышчэпліваць медработнікаў, якія знаходзяцца ў зоне рызыкі

Сёння пачалася вакцынацыя медработнікаў Беларусі, якія знаходзяцца ў зоне рызыкі. Аб гэтым БЕЛТА паведамілі ў прэс-службе Міністэрства аховы здароўя.

"Установы аховы здароўя атрымалі партыі вакцын "Спадарожнік V" для вакцынацыі медработнікаў Беларусі - тых, якія знаходзяцца ў зоне рызыкі. Перш за ўсё будуць прышчэплены 2285 медработнікаў Мінска, 3460 Брэсцкай вобласці, 3260 Віцебскай вобласці, 4365 Гомельскай вобласці, 1735 Гродзенскай вобласці, 1610 Магілёўскай вобласці і 2485 Мінскай вобласці. Каля 800 доз - для медработнікаў рэспубліканскіх устаноў", - расказалі ў прэс-службе.

Практыка пачатку вакцынацыі з медыцынскіх работнікаў аналагічная сусветнай. Міністэрства аховы здароўя размеркавала вакцыну па рэгіёнах - у залежнасці ад заявак устаноў аховы здароўя. Усе пытанні захавання халадовага ланцуга адпрацаваны.-0-